Húsasafn
Söfn og hús um land allt
Húsasafn Þjóðminjasafns Íslands veitir innsýn í húsakost þjóðarinnar á seinni öldum og þróun húsagerðar. Húsasafnið er kjarni safnkostsins á landsbyggðinni. Meðal húsa safnsins eru allir stærstu og merkustu torfbæir landsins og allar torfkirkjur sem eru í upprunalegri gerð. Í húsasafninu er stærsta safn torfhúsa sem til er. Sérfræðingur húsasafnsins er Alma Sigurðardóttir, alma.sigurdardottir@thjodminjasafn.is. Skrifstofa húsasafnsins er að Tjarnarvöllum 11 í Hafnarfirði.
Þjóðminjasafn Íslands hvetur fólk að fara samferða í söfnin
Um allt land er að finna forvitnileg hús sem tilheyra húsasafni Þjóðminjasafnsins og fjölbreytileg söfn sem hlotið hafa viðurkenningu safnaráðs fyrir faglega starfsemi. Viltu kíkja í torfbæ? Viltu kanna líf og starf landans gegnum aldirnar? Viltu ganga til bæna í sögulegri kirkju? Eða viltu kynnast öðrum kimum menningararfsins?Á kortinu eru merkt inn hús í eigu húsasafns Þjóðminjasafns Íslands ásamt fjölmörgum söfnum sem gaman og fróðlegt er að heimsækja. Með því að smella á táknin á kortinu færðu upplýsingar um viðkomandi safn eða hús. Ef smellt er efst í hægra horni myndarinnar er hægt að skoða stærra kort.