Peysufatadagur Kvenskælingja á Þjóðminjasafninu

Föstudaginn 5. apríl halda nemendur Kvennaskólans í Reykjavík hinn svokallaða peysufatadag hátíðlegan. Kvenskælingar munu heimsækja Þjóðminjasafnið kl. 13.50 og gleðja gesti og gangandi með söng og dansi. 

Peysufatadagur Kvennaskólans er ómissandi liður í starfi skólans en þessa hefð má rekja allt til ársins 1921. Þá ákváðu nemendur að koma á peysufötum til skólans til hátíðarbrigða og gera sér dagamun á eftir. Þess ber að geta að á fyrstu áratugum Kvennaskólans, en hann var stofnaður árið 1874,var venjan að nemendur væru í íslenskum búningi í skólanum. Árið 1921 þegar peysufatadeginum var komið á, gengu enn sumar stúlkur í slíkum búningi í skólanum. 

‍