Samstarf Strætó og Þjóðminjasafns Íslands
Sundvagninn er því kominn til sögunnar og mun aka leið 1 næstu vikurnar. Vagninn skartar myndum frá ljósmyndasafni Þjóðminjasafnsins og við vonum að þær veki gleði vegfarenda og farþega. Samstarfið við Strætó er mikilvægur þáttur í hlutverki safnsins að miðla íslenskri menningu til samfélagsins og kynda undir það stolt sem við megum bera til sundmenningarinnar okkar.
Vagninn verður til sýnis við Þjóðminjasafnið við upphaf Safnanætur á sundfögnuði í safninu í dag, 6. febrúar, kl. 17. Þar munu Harpa Þórsdóttir þjóðminjavörður, Logi Einarsson menningarráðherra og Guðni Th. Jóhannesson fyrrverandi forseti Íslands og velunnari íslenskrar sundmenningar, flytja ávörp. Boðið verður upp á örsýningar sem tengjast sundmenningu þjóðarinnar og sundlaugabíó í samstarfi við Kvikmyndasafn Íslands. Einnig koma fram Linus Orri Gunnarsson Cederborg, fulltrúi gamalla hefða í íslenskum kveðskap og Erpur Eyvindarson, fulltrúi nýrra blæbrigða, en þeir munu hræra í tímalausa rímnasúpu gestum til skemmtunar.
