Helförin í nýju ljósi - Bókaspjall með Laurence Rees

Minjar og saga, vinafélag Þjóðminjasafns Íslands, stendur fyrir fundi ásamt breska fræðimanninum Laurence Rees, rithöfundi bókarinnar Helförin í nýju ljósi, í fyrirlestrarsal safnsins laugardaginn 13. desember kl. 12.

Laurence Rees mun ræða bókina, tilurð hennar og þann lærdóm sem hann hefur dregið af áratuga rannsóknum á helförinni og illvirkjum nasista. Bókin kom út á íslensku nú í haust í þýðingu Jóns Þ. Þór.

Að fundi loknum mun Laurence Rees árita bók sína, hafi fólk eintak sitt meðferðis eða kaupi hana á staðnum.

Enginn aðgangseyrir er á fundinn. Gert er ráð fyrir að honum ljúki um kl. 13 og geta þau sem það vilja tyllt sér niður að fundi loknum á kaffihúsinu, en þar eru í boði léttar veitingar gegn vægu gjaldi.

‍