Sérfræðileiðsögn Einars Fals: Samtal við Sigfús - Í fótspor Sigfúsar Eymundssonar

Einar Falur Ingólfsson mun bjóða upp á sérfræðileiðsögn um sýninguna Samtal við Sigfús - Í fótspor Sigfúsar Eymundssonar, sunnudaginn 1. júní, kl. 14 næstkomandi. Um er að ræða einstaka sérsýningu í Bogasal Þjóðminjasafns Íslands.

Sýningin opnaði 8. mars og á henni eru ljósmyndaverk Einars Fals og Sigfúsar. Sigfús var frumkvöðull í ljósmyndun á Íslandi og skilur eftir sig einstakt safn ljósmynda. Einar Falur vinnur út frá og í sjónrænu samtali við myndverk Sigfúsar en hann hefur skrifað um ljósmyndir Sigfúsar og fjallað um þær við kennslu í ljósmyndasögu árum saman. Undanfarin fjögur ár hefur Sigfús, eða myndir hans, verið fararstjóri á ferðalögum Einars Fals víða um land. Hefur hann bæði endurtekið valin sjónarhorn forvera síns sem og tekið sína eigin myndramma á sömu stöðum og Sigfús myndaði á, í einskonar dagbókarskráningu og samtali um land, sögu og sjónarhorn. Á sýningunni er úrval þessara samtalsverka Sigfúsar og Einars Fals, að hluta ný prent eftir glerplötum eldri ljósmyndarans en einnig valin frumprent frá 19. öld, þegar myndirnar voru teknar. Um er að ræða fágæta dýrgripi í eigu Ljósmyndasafns Íslands sem afar sjaldan sjást.

Viðburður sem enginn áhugamanneskja um ljósmyndun ætti að láta fram hjá sér fara.

Samhliða sýningunni gaf Þjóðminjasafnið út bókina Aftur – Samtal við Sigfús, sem í eru rúmlega 130 ljósmyndir og texti eftir Einar Fal. Bókin er til sölu í safnbúð Þjóðminjasafnsins og er hún á 20% kynningarafslætti í sumar.

Nánar um sýninguna: https://www.thjodminjasafn.is/syningar/samtal-vid-sigfus

Að lokinni leiðsögn er tilvalið að skoða aðrar sýningar safnsins, setjast niður á kaffihúsinu, fönda með börnunum í fjölskyldurýminu eða líta við í safnbúðinni.

Fullorðnir greiða 3.000 kr. aðgangseyri og fá þá árskort sem gildir á alla viðburði og sýningar safnsins í ár frá kaupum.
Ókeypis er á sýningar og í leiðsögn fyrir börn að 18 ára aldri.

‍