Guðný og Jósef ólust upp í baðstofunni á Skörðum í Dalasýslu sem nú er á Þjóðminjasafni Íslands

3.5.2023

Fyrir nokkrum dögum fékk Þjóðminjasafnið einstaka gesti. Það voru þau systkin Jósef Jónasson og Guðný Jónasdóttir en þau ólust upp í baðstofunni sem er hluti af grunnsýningu Þjóðminjasafnsins. Baðstofan var þá á Skörðum í Dalasýslu.
Þau settust að skrafi í baðstofunni og var margt skemmtilegt rifjað upp frá uppvaxtarárunum. Jósef og Guðný eru á tíræðisaldri.
Baðstofan er að mestu óbreytt frá því hún var á Skörðum. Hún fangar ætíð athygli gesta, sérstaklega erlendra, enda segir hún mikla sögu af lífi Íslendinga eins og það var - ekki fyrir mörgum - heldur aðeins fáeinum árum síðan.
Við þökkum þeim kærlega fyrir komuna