Yfirskrift safnanætur föstudaginn 10. febrúar n.k. verður að þessu sinni „Magnað myrkur! Þjóðminjasafnið hefur af því tilefni fengið dönsku listakonuna Karen Thastum til að koma hingað og setja upp magnaða ljósa- og tónlistarinnsetningu, sem mun umbreyta safnhúsinu að utan jafnt sem innan.

Þjóðminjasafn Íslands, í samstarfi við Krabbameinsfélagið, Embætti landlæknis og Prentsmiðjuna Odda, býður grunnskólanemendum í 7.-10. bekk að taka þátt í samkeppni um hönnun og gerð á nýju tóbaksvarnarplakati. Samkeppnin er haldin í tilefni af sýningunni Þetta er allt sama tóbakið! sem nú stendur í Horni Þjóðminjasafnsins. Skilafrestur hefur verið framlengdur til mánudagsins 30. janúar 2012.

Magnea Þorkelsdóttir biskupsfrú var mikil hannyrðakona og urðu mörg listaverk til í höndum hennar. Hún saumaði fjölda þjóðbúninga bæði á sig og afkomendur sína. Á sýningunni verða valdir búningar úr safni fjölskyldunnar.

Hjálmar R. Bárðarson fyrrverandi siglingamálastjóri var afkastamikill áhugaljósmyndari og gaf út fjölda bóka með myndum af landi og þjóð. Hér getur að líta svarthvítar myndir úr safni hans, bæði landslagsmyndir og listrænar myndir.

Sýningunni er ætlað að varpa ljósi á sögu tóbaksnotkunar og baráttuna gegn henni allt frá upphafi á 17. öld fram til um 1990. Til þess eru notaðir gripir og ljósmyndir frá Þjóðminjasafni, gripir og gögn frá Krabbameinsfélaginu og tónlist sem notuð var í baráttunni gegn reykingum.

Þjóðminjasafn Íslands stendur um þessar mundir fyrir söfnun heimilda um siði og venjur í framhalds- og menntaskólum fyrr og nú. Tilgangurinn með söfnuninni er að kynnast þeirri menningu sem ríkti meðal nemenda frá um 1940-1950 til dagsins í dag. Söfnunin er jafnframt hluti af meistaraverkefni í þjóðfræði við Háskóla Íslands.