Fyrirlestrar

Fjallkonan. „Sér hún hátt og vítt um veg“ – hinsta hvíla konu frá 10. öld á Vestdalsheiði.

Þriðjudaginn 22. janúar kl. 12 flytur Rannveig Þórhallsdóttir erindi í fyrirlestrasal Þjóðminjasafns Íslands. Fyrirlesturinn ber heitið: Fjallkonan. „Sér hún hátt og vítt um veg“ – hinsta hvíla konu frá 10. öld á Vestdalsheiði. 

Rannveig Þórhallsdóttir flytur erindi sem byggt er á MA rannsókn hennar í fornleifafræði. Hún rannsakaði gripi og líkamsleifar „Fjallkonunnar“ svokölluðu, sem fundust við Afréttarskarð á Austurlandi í björgunaruppgreftri árið 2004 og skoðaði út frá síð-fræðilegum (e. post-disciplinary) aðferðum. Þá er vísbendingum fylgt og farið yfir „landamæri“ fræðigreina til að svara því af hvaða uppruna „Fjallkonan“ var, hvaða félagslega hlutverki hún gegndi og hvort um kuml væri að ræða. 

Helstu niðurstöður rannsóknarinnar eru að líklegt er að „Fjallkonan“ hafi ekki verið lögð í kuml þar sem engan manngerðan umbúnað var að finna á uppgraftarstað. Klæðnaður hennar virðist hefðbundinn miðað við búnað kvenna á víkingaöld. Mikill perlufjöldi sem fannst hjá henni gæti þó gefið hugleiðingum um völvu/seiðmann byr undir báða vængi. „Fjallkonan“ var 20–30 ára þegar hún lést og hún var ekki fædd á Íslandi. Gerðfræði skartgripa og ísótóparannsóknir sýna að hún virðist hafa verið uppi um miðja tíundu öld.

Rannveig Þórhallsdóttir lauk nýlega mastersprófi í fornleifafræði frá Háskóla Íslands undir leiðsögn Dr. Steinunnar Kristjánsdóttur. 

Rannveig er starfsmaður Fornleifafræðistofunnar á Austurlandi. Hún er einn af stofnendum rannsóknarsetursins Skálaness í Seyðisfirði, sem leggur áherslu á alþjóðlegt háskólasamstarf og vettvangs- og, þverfaglegar rannsóknir. Rannveig starfaði árin 2001-2005 sem safnstjóri Minjasafns Austurlands á Egilsstöðum. Hún starfaði einnig um tíma sem verktaki og fastráðinn þýðandi hjá Þýðingamiðstöð utanríkisráðuneytisins. 

Fyrirlesturinn fer fram á íslensku og er öllum opinn. Verið öll velkomin.

 

Mannfækkun af mannavöldum

Þriðjudaginn 5. febrúar kl. 12 flytur Steinunn Kristjánsdóttir fornleifafræðingur erindi í fyrirlestrasal Þjóðminjasafns Íslands.

Lesa meira

Klausturjurtir í lækningarritum miðalda

Þriðjudaginn 19. mars kl. 12 flytur Hildur Hauksdóttir erindi í fyrirlestrasal Þjóðminjasafns Íslands. Fyrirlesturinn ber heitið Klausturjurtir í lækningaritum miðalda.

Lesa meira

Hádegisfyrirlestrar Þjóðminjasafns Íslands

Fyrirlestrar Þjóðminjasafns Íslands tengjast sýningum, rannsóknum eða öðru starfi safnsins og eru annan hvern þriðjudag klukkan 12 í fyrirlestrasalnum við Suðurgötu.

Lesa meira

Hádegisfyrirlestrar Sagnfræðingafélagsins

Fyrirlestrar Sagnfræðingafélagsins eru annan hvern þriðjudag klukkan 12:05 í fyrirlestrasalnum við Suðurgötu. Fyrirlestrarnir eru haldnir í samstarfi við Þjóðminjasafn Íslands.

Lesa meira
Félag fornleifafræðinga

Hádegisfyrirlestrar Félags fornleifafræðinga

Nýjar rannsóknir í íslenskri fornleifafræði. Hádegisfyrirlestrar á miðvikudögum kl. 12 í sal Þjóðminjasafnsins. Fyrirlestraröð Félags fornleifafræðinga,  námsbrautar í fornleifafræði við Háskóla  Íslands og  Þjóðminjasafns Íslands.

Lesa meira

Hádegisfyrirlestrar RIKK

Hádegisfyrirlestrar RIKK í fyrirlestrasal Þjóðminjasafns Íslands, kl. 12.00-13.00.

Lesa meira