Hvað leynist í Matarkassanum?
Heimsókn í Stofu
Matarsaga Íslands er mjög forvitnileg og hægt er að finna marga hluti á grunnsýningunni Þjóð verður til – menning og samfélag í 1200 ár.
Við ætlum að skoða nokkra valda hluti á grunnsýningunni sem tengjast matarháttum og skoða Matarkassa Þjóðminjasafnsins upp í Stofu. Safnkennara taka vel á móti ykkur.
Börn og fjölskyldur eru sérstaklega boðin velkomin á safnið í sumar með fjölbreyttri dagskrá undir handleiðslu safnkennara.
Stofa er nýtt könnunar- og leiksvæði fyrir börn og fjölskyldur í Þjóðminjasafninu. Gestum er boðið í heimsókn til að kanna spennandi hluti sem má prófa, föt sem má máta, uppgötva eitthvað nýtt um lífið í gamla daga, hlusta á sögu, spjalla saman, skapa í lista- eða handverkssmiðju, leika og skoða merkilega hluti á sýningum. Verið öll velkomin samferða í sumar.
Gert er ráð fyrir viðburðinum Heimsókn í stofu einu sinni í viku allt sumarið. Boðið er upp á mismunandi dagskrá í hverri viku á föstudögum kl. 11.
26. júní: Hvað leynist í Matarkassanum?
Lagt á borð, frá landnámi til nútímans. Krökkum leyft að handfjatla hluti og býðst að svara spurningaskrá um matarvenjur sínar.
3. júlí: Samgöngur og ferðalög fyrr á tímum.
Gengið verður um grunnsýninguna með samgöngur í huga. Skoðaður verður skápur í Stofu um samskiptamáta.
10. Júlí: Útskurður.
Í Stofu er að finna skáp með miklum útskurði. Hvaða myndir eru á útskurðinum? Hvaða hlutir eru þetta? Komdu í rannsóknarleiðangur.
17. júlí: Hvað leynist í Landnámskassanum?
Landnámskassinn verður skoðaður og rætt verður um landnám Íslands.
24. júlí: Riddarar á ferð og flugi.
Skoðað verður tímahólf Sturlungaaldarinnar og riddara í útskurði og útsaumi. Boðið verður upp á Smiðju tengda Valþjófsstaðahurðinni.
31. júlí: Hvað leynist í Tóvinnukassanum?
Tóvinnukassinn verður skoðaður og krökkum leyft að handfjalta hluti.
7. ágúst: Hvað leynist í Ljósmyndakassanum.
Ljósmyndakassinn verður skoðaður. Sérfræðingur úr Ljósmyndasafni Íslands ásamt safnkennara ætla að taka vel á móti þér.
14. ágúst: Hvað leynist í Leikjakassanum?
Leikjakassinn verður skoðaður og krökkum leyft að handfjalta hluti.
Aðgöngumiði í safnið gildir. Ókeypis fyrir handhafa árskorts og ókeypis fyrir börn að 18 ára aldri.Árskort kostar 2.000 kr. og gildir á allar sýningar og viðburði á Þjóðminjasafninu við Suðurgötu og í Safnahúsinu við Hverfisgötu.