Aðgengi að Þjóðminjasafni Íslands

2.11.2015

Þjóðminjasafnið hefur í tvígang fengið tilnefningu til nýsköpunarverðlauna; annars vegar fyrir sjónlýsingu fyrir blinda og sjónskerta í tengslum við ljósmyndasýningu og hins vegar fyrir minningaherbergi, sem staðsett var á 2. hæð og notað í minningavinnu með öldruðum með minnisglöp. Við erum þakklát fyrir allar athugasemdir um aðgengismál. Hægt er að senda ábendingar á netfangið thjodminjasafn@thjodminjasafn.is.

Yfirlit yfir aðstöðu og aðgengi í Þjóðminjasafninu við Suðurgötu

• Aðalinngangur: Á suðurgafli, enginn þröskuldur, rennihurð sem opnast sjálfkrafa.
• Barnakerrur er hægt að fá lánaðar í móttöku. 
• Bílastæði: Ekið er inn á bílastæði frá Suðurgötu. Vinsamlega athugið að stæði í hringnum fyrir framan innganginn eru aðeins fyrir rútur.
• Bílastæði fyrir fatlað fólk: Þrjú, þar af tvö nálægt aðalinngangi og eitt við starfsmannainngang, innst á bílastæði við Suðurgötu.
• Fyrirlestrasalur: Gott aðgengi fyrir hjólastóla frá anddyri (rampur).
• Fellistólar: Já, upplýsingar í móttöku.
• Hjólastóla er hægt að fá lánaða í móttöku. 
• Hljóðleiðsögn: Boðið er upp á hljóðleiðsögn á íslensku, ensku, dönsku, þýsku, ítölsku, frönsku, sænsku, spænsku, mandarín og pólsku. Þá er sérstök hljóðleiðsögn fyrir börn á íslensku og ensku.
• Lyftur: Af fyrstu hæð í kjallara þar sem fatahengi og salerni eru staðsett. Þá er lyfta á milli hæða í sýningarsölum, bæði norðan- og sunnanmegin.
• Salerni: Þrjú salerni eru í kjallara, þar af eitt fyrir fatlað fólk. Tvö salerni eru á 2. hæð, með dyraopnara, þar af annað fyrir fatlaða.
  
• Snertisafn: Safngripir sem má snerta eru í fjölskyldurýminu Stofu.