Farandsýningar til útláns
![Fögnum fjölbreytileikanum](/media/farandsyningar/greinalisti-square2/urvz9fwx.jpg)
Sýningar til útláns
Þjóðminjasafn Íslands býður til útláns fjölmargar sýningar sem áður hafa verið settar upp í sölum safnsins. Flestar sýninganna eru ljósmyndasýningar með myndum sem varðveittar eru í Ljósmyndasafni Íslands í Þjóðminjasafni en einnig er um gripasýningar að ræða.
Þeir sem hafa áhuga á að fá sýningarnar geta einnig fengið senda sýningatexta, mynda- eða gripamerkingar og kynningarefni. Eintök af bókum eða ritum sem safnið hefur gefið út í tengslum við viðkomandi sýningar, má fá í umboðssölu í safnverslun Þjóðminjasafns Íslands.
Nánari upplýsingar: Eva Kristín Dal s: 530-2258, eva.kristin@thjodminjasafn.is
![Farandsýning - Þorsteinn J](/media/farandsyningar/greinalisti-square2/fq7zj9p2.jpg)
Svipmyndir eins augnabliks
Ljósmyndir Þorsteins Jósepssonar
Þorsteinn Jósepsson var víðförull ferðalangur, rithöfundur og blaðamaður á Vísi, auk þess að vera mikilvirkur ljósmyndari. Hann vann gríðarlegt verk með því taka ljósmyndir um land allt, af hverri einustu sýslu og stórum hluta hálendisins, staðháttum og mannlífi, á árunum um 1930 til 1967.
Lesa meira![Fögnum fjölbreytileikanum](/media/farandsyningar/greinalisti-square2/9z74ede4.jpg)
Ég fæ ekki af mér að flýja af hólmi
Á sýningunni tjá þrettán einstaklingar skoðanir sínar og tilfinningar. Þau eru á ýmsum aldri og koma úr ýmsum áttum en öll hafa þau komið við sögu hinsegin fólks á Íslandi með einum eða öðrum hætti.
Lesa meira![Farandsýning - Látrabjarg](/media/farandsyningar/greinalisti-square2/h3d69cp9.jpg)
Björgunarafrekið við Látrabjarg
Ljósmyndir Óskars Gíslasonar
Ljósmyndirnar voru teknar við gerð heimildarkvikmyndar Óskars Gíslasonar 1948 um hið frækilega björgunarafrek við Látrabjarg og sýna sviðsetta björgun skipverjanna á Dhoon árið 1947 og raunverulega björgun skipverja togarans Sargon, ári síðar.
Lesa meira![Farandsýning-Sigfús Eymundsson](/media/farandsyningar/greinalisti-square2/aqunxjgx.jpg)
Sigfús Eymundsson
Frumkvöðull íslenskrar ljósmyndunar
Sigfús Eymundsson (1837-1911) var frumkvöðull ljósmyndunar á Íslandi. Hann opnaði fyrstu ljósmyndastofu í Reykjavík árið 1867 sem starfrækt var til 1909. Plötusafn ljósmyndastofunnar var keypt í heild sinni til Ljósmyndasafns Íslands í Þjóðminjasafni árið 1915 og var fyrsta ljósmyndasafn sem safnið tók til varðveislu.
Lesa meiraLjósmyndari Mývetninga
Mannlífsljósmyndir Bárðar Sigurðssonar frá upphafi 20. aldar
Bárður Sigurðsson (1872-1937) skapaði í ljósmyndum sínum þingeyskan sjónarheim og opnaði okkur þar með einstæða sýn inn í íslenskt bændasamfélag og þjóðmenningu.
Lesa meira![Hjálmar R. Bárðason](/media/farandsyningar/greinalisti-square2/qhq77ced.jpg)
Hjálmar R. Bárðarson í svarthvítu
Hjálmar R. Bárðarson (1918-2009) fyrrverandi siglingamálastjóri var afkastamikill áhugaljósmyndari og gaf út fjölda bóka með myndum af landi og þjóð. Á sýningunni eru nýjar eftirtökur svarthvítra mynda úr safni hans, bæði landslagsmyndir og listrænar myndir frá tímabilinu 1932 til 1988.
Lesa meira