Flotsokka og Pottaskefill koma skellandi kát á laugardag!
Dásamleg jólaskemmtun í Þjóðminjasafninu á laugardag kl. 11.
Kuldastráið skrítna, Pottaskefill, kemur alltaf í Þjóðminjasafnið 16. desember og í ár mun Flotsokka, jólaskellan fundvísa, fylgja honum. Þau hlakka til að hitta skemmtilega krakka og foreldra þeirra, syngja, skemmta og komast í sprellfjörugt jólaskap.
Jólasveinar alla daga kl. 11 fram að jólum.
Flotsokka
Flotsokka er fundvís
á feitmeti um allt
og fyllir sokka af floti
– á fótum er aldrei kalt.
Þá gengið er til náða
hún nartar í mörinn hljóð
og kleinufeiti er uppáhald,
svo ofboðslega góð.
Pottaskefill
Sá fimmti, Pottaskefill,
var skrítið kuldastrá.
- Þegar börnin fengu skófir
hann barði dyrnar á.
Þau ruku' upp, til að gá að
hvort gestur væri á ferð.
Þá flýtti 'ann sér að pottinum
og fékk sér góðan verð.
Askasleikir og Leppatuska koma svo á sunnudag kl. 11. Þau eru líka mjög skemmtileg.
Aðgöngumiði í safnið gildir. Ókeypis fyrir handhafa árskorts og ókeypis fyrir börn að 18 ára aldri. Árskort kostar 2.500 kr. og gildir á allar sýningar og viðburði í Þjóðminjasafni Íslands.