Viðburðir framundan
Leiðsögn: Fatnaður og tíska fyrri alda
Sunnudaginn 19. september kl. 14:00 verður leiðsögn um tísku og fatnað í Þjóðminjasafni Íslands. Helga Vollertsen, sérfræðingur í munasafni, leiðir gesti gegnum sýninguna Þjóð verður til – menning og samfélag í 1200 ár og verður staldrað við gripi sem gefa innsýn í klæðaburð fólks fyrr á öldum.
Aðgöngumiði í safnið gildir. Ókeypis fyrir handhafa árskorts og frítt fyrir börn yngri en 18 ára. Árskort kostar 2.000 kr. og gildir á allar sýningar og viðburði á Þjóðminjasafninu.
Við biðjum gesti að virða þær sóttvarnarreglur sem eru í gildi. Grímuskylda er á safninu. Grímuskylda á ekki við um börn sem fædd eru 2006 og síðar. Fjöldatakmörkun og nálægðarmörk taka ekki til barna sem fædd eru 2016 eða síðar.
Verið öll velkomin.