Leiðsögn: Ógnvaldarnir
Laugardaginn 21. ágúst kl. 14 ræða Dr. William R. Short og Reynir A. Óskarson við gesti safnsins um rannsóknir á bardagaaðferðum víkinga. Í leiðsögninni munu þeir fjalla um rannsóknaraðferðirnar, sem eru að mörgu leiti óhefðbundnar, óvæntar niðurstöður og hvernig þær geta varpað nýju ljósi á safngripina. Leiðsögnin verður á ensku.
William og Reynir eru meðlimir í Hurstwic
félaginu í Bandaríkjunum sem hefur staðið fyrir rannsóknum á bardagaaðferðum í
yfir 20 ár. Í september gefur félagið út bókina Men of Terror: A
comprehensive analysis of Viking Combat þar sem gerð er grein fyrir
niðurstöðum rannsóknanna.
Aðgöngumiði í safnið gildir. Ókeypis fyrir handhafa árskorts og frítt fyrir börn yngri en 18 ára. Árskort kostar 2.000 kr. og gildir á allar sýningar og viðburði í Þjóðminjasafni Íslands.
Grímuskylda er á safninu. Grímuskylda á þó ekki við um börn sem fædd eru 2006 og síðar. Hámarksfjöldi fólks í sama rými er 200. Fjöldatakmörkun og nálægðarmörk taka ekki til barna sem fædd eru 2016 eða síðar.
Verið öll velkomin.