Viðburðir framundan
Þjóðsögur og kynjaskepnur
Láttu marbendilinn leiða þig inn í veröld kynjaskepna í íslenskum þjóðsögum. Hvernig lítur til dæmis nykur út, eða urðarköttur? Útskriftarnemar í Margmiðlunarskóla Tækniskólans hönnuðu viðmót sem gestir geta stigið inn í og þannig heimsótt nokkrar kynjaskepnur og kynnst þeim aðeins nánar.
Í sýningarsölum á 2. hæð eru svo margs konar merkilegir munir um kynjaskepnur og þjóðsögur úr ólíkum söfnum. Þar má til dæmis sjá álfkonudúk og málverkið Nátttröllið á glugganum eftir Ásgrím Jónsson. Kort Guðbrandar biskups er þar með sjávarskrímslum allt í kring um landið. Einnig galdrakver og særingahandrit frá galdraöldinni.
Ekki missa af einstöku tækifæri til að upplifa og rýna í íslenska menningu og listir.