Láttu marbendilinn leiða þig inn í veröld kynjaskepna í íslenskum þjóðsögum. Hvernig lítur til dæmis nykur út, eða urðarköttur? Útskriftarnemar í Margmiðlunarskóla Tækniskólans hönnuðu viðmót sem gestir geta stigið inn í og þannig heimsótt nokkrar kynjaskepnur og kynnst þeim aðeins nánar. 

Þann 14. apríl kl. 14 mun Lilja Árnadóttir sviðsstjóri munasafns Þjóðminjasafnsins leiða gesti um sýninguna Kirkjur Íslands: Með augum biskups og safnmanna í Myndasal.

Á sumardaginn fyrsta gengur Stjörnu-Sævar með gestum um sýningarsali í Safnahúsinu og segir frá ýmsu merkilegu um jörðina og sólkerfið út frá völdum myndum og gripum sem má sjá á sýningunni Sjónarhorn.

Á sumardaginn fyrsta sýna myndlistar-og hönnunarnemar við Listaháskóla Íslands ásamt ritlistarnemendum við Háskóla Íslands bókverk í lestrarsal Safnahússins.

Ungir leikarar Leynileikhússins taka á móti gestum og bregða upp svipmyndum úr sögu þjóðar 7. apríl kl. 14 og sumardaginn fyrsta, 25. apríl kl. 14.

Írs Ólöf Sigurjónsdóttir textílhönnuður og textílforvörður veitir sérfræðileiðsögn um Þjóðminjasafn Íslands sunnudaginn 28. apríl kl. 14. Hún mun staldra við ólíka textíla sem skoða má á grunnsýningunni Þjóð verður til – menning og samfélag í 1200 ár og segja frá gerð textílanna, notkun þeirra og fleira.

Þjóðminjasafn Íslands, Listasafn Íslands og Náttúruminjasafn Íslands boða til árlegs vorfundar fyrir menningarminjasöfn.  Fundurinn mun fara fram í fyrirlestrasal Safnahússins við Hverfisgötu. Þema fundarins er: Að mennta börn í söfnum - barnamenning.