"Hér stóð bær"
Í Myndasal snemma árs 2005 gat að líta greiningarsýninguna „Hér stóð bær“, þar sem gestir voru beðnir um að hjálpa til við að þekkja bæina á myndunum. Ljósmyndir sem berast myndasafni Þjóðminjasafnsins eru misvel skráðar og þangað berast söfn af filmum sem eru alveg óskráð. Þar á meðal eru margar bæjarmyndir.
Á sýninguni var brugðið upp á þriðja hundrað ljósmyndum af óþekktum sveitabæjum. Myndirnar eru allar frá 20. öldinni og flestar teknar um miðbik hennar, á árunum frá 1930-60.